Hier kommt immer das neueste von uns hin:

6. April 2008: Phuu was ist alles passiert?Steffi musste beide Augenoperien im letzten Jahr, da sie angeboren den Grauen Star hatte. Nun trägt sie eine Brille und es geht ihr recht gut damit.Meine Schultewr wurde ende Mai 07 operiert, ist aber immer noch nicht gut und kommt evt nochmals zu einer OP. Simon geht zur Schule und er macht das super gut echt, Steffiist im Kindergarten und es gefällt ihr super gut

23.April 2007 : So scho wieder e hufe Ziit verstriche:-( Und au en hufe passiert............Ich ha immer no mini Schultere kaputt. Das will und will nid bessere isch sehr mühsam muess i sege. Bin mittlerweilen i de Schulthessklinik gsi ha det 3 Cortisonspritzen kassiert. De Schmerz isch jetzt aber schlimmer. I de Osterwuche het mer bi de Steffi bime Routineuntersuch festgestellt dass sie angeboren de graui Star het. Jetzt wird sie morn am 1. Aug operiert und am 9.5. am 2. Aug no. Nachher muess sie denn e Brille träge s Leben lang, aber es git hüt zu tags jo fangs so modische Brillen:-) Ich han bestumme das ich ab em Summer 07 s Handelsschule mache und ha die volle Unterstzüung vom Andreas. Im Summer gömmer das mole id Bretagne id Ferie und i freu mi mega druf.

10.Januar 2007: So es neus Jahr isch wieder da. Ich han mis alte Jahr nid so toll abgschlosse da ich am 30.12. uf de Piste umgheit bin und uf d Schultere gheit bin. Bin immer no mit Unfall dehei und hoffe uf Besserung:-( De Simon isch wieder im Kindergarte und das sehr gern. De Silvester hemmer sehr schön gfiiret i de Fumsi eifach mit fast keim Schnee:-( Na ja muess au mol sie. auptsach es het denn im Februar Schnee wenn mer i de Skiferie ufegönd. Das wer schön. Und mir hend scho d Summerferie buechet jee...........2 Wuche Bretagne mit gesamthaft 11 Lüüt. Das wird bestimmt lustig:-)

20.Dezember 2006: Bald hemmer Wiehnachte. So schnell gaht d Ziit verbii. Mir freuet eus mega uf de 24. Dezember zum fiire mit Angelica und Willi, Simon und Armin und min Papi. D Kids wartet scho sehr gespannt uf alles. Es isch es sehr ereignisrichs Jahr gsi het aber ehufeguets. Wenn mer zrugglueget isch es es mega Jahr gsi. De Umzug is Huus, d Reis nach Monaco und ich no nach Südafrika, Stellenwechsel vom Andreas und min Swisscom Vertrag. Denn het s Familienzuewachs gäh mit de Rosi wo mer sehr is Herz gschlosse hend. Alles i allem, es supers Johr. Ah jo und nid zu vergessen d Sabrina, de Joscha, d Hannah und d Marlene wo mer kenneglernt hend und is Herz gschlosse hend. Silvester tüemmer das Jahr wieder ohne Kinder fiire die dörfet e Wuche zum Papi id ferie und freuet sich. Mir gönd id Flumserberge und stönd au no ufd Ski.

10.Januar 06: Jetzt isch doch scho wieder es neus Jahr da! Mir sind i de Flumserberge gsi i de Skiferie. D Steffi und de Simon sind s erst mol uf de Ski gstande und es het ne mega Spass gmacht. Mir hends u gnosse zum e chli abschalte und d Bergluft schnuppere. Het sehr guet tue! I bin am Karriere mache bi de Tupperware und freue mi mega das es so guet gaht, denn i kumm mim Ziel langsam nächer das i könnt uf 60% reduziere mit schaffe. Isch min Traum und de wett i verwürkliche.

12.Dezember 05: So da isch wieder e hufe gange und s Jahr neigt sich dem Ende zue. Mir freuet eus sehr uf eusi Skiferien zwüschet Wiehnacht und Neujahr. Mir gönd id Flumserberge und lernet de Kids s Skifahre. Mol luege wie die 2 das findet! Sust gahts eus sehr guet und mir gnüsset eus richtig.ö

27.Oktober 05: D Ferie sind dure und de Alltag het eus wieder:-) Zerst hets e Wuche Ferie mit de Kids gäh. S Wetter het super mitgmacht. Am Fritig Abig het denn de simon gfunde er well jetzt au mol de Spital bruche. Er isch mit em Kickboard ine Strassenlaterne innedonneret und het es Loch im Kopf gha. Zum Glück isch de Urs grad bi mir gsi und het mer de Simon in Spital treit. Ein herzliches Danke a dere Stell nomole. Es het de schlimmer usgseh weder das es gsi isch. Es het numme e Platzwunde gäh wos hend könne klebe. Nix gebrochen zum Glück. Denn sind d Kids no e wuche zum Papi id Ferie und mir sind i dere Ziit 4 Täg nach Österreich und es isch mega schön gsi und het guet tah. Jetzt het de Andreas d Schuel agfange wo er macht und au i bin wieder voll am schäffele. Das weekend darf d Steffi zum Götti. Da gömmer mit em Simon is Gaswerk nach Schiere go klettere. Mol luege wies em det gfalle wird.

4.Oktober 05: So endli kumm i wieder mol zum schriebe. Es isch sooo viel gange!! Min Unfall isch wieder guet uskuriert, zum Glück!!! De Simon het im Kindergarte agfange und es gfallt ihm sehr guet. Mer hend au es Lob becho vo de Lehrerin das er sehr guet mitmachi und sehr beigeisterungsfähig seg. De Steffi gfallts mega i de Spielgruppe und sie findets scho fast lästig das ich sie bringe, am liebste wett sie glaub ganz ellei gah will schliesslich isch sie jetzt e Grossi! D Steffi het jetzt sit em 30.9.05 KEI Windle mehr a i de Nacht und das klappet super! Mir sind sehr stolz uf sie................Nächst und übernachst Wuche hend mer Ferie. Zerst ich mit de Kids und de kunnt d Mandy zu eus. D Kids freuet sich mega druf. Nachher gönd de Simon und d Steffi no zum Pappi und de Andreas und ich 4 Täg ins Österreich. Freue mi mega......................

25.August 05: Ich hett jetzt denn 2 Wuche Ferie hinter mir. Sind allerdings numme 2 Tag Ferie drus worde, denn isch mer en Unfall dezwüschet cho! Han bim Badminton spiele s Sprungglenk und 2 Bänder agrisse. Jetzt laufe i a Krückene. Aber das kunnt scho wieder guet. Darf emel am Mäntig wieder go schaffe und bin ssehr froh drüber!

De Simon het am Mäntig 22.8.05 sin erste Kindergarte Tag gha und es gfallt ihm super guet!

28.Juli05: Sodeli.........bin wieder da. Nei bin gar nid weg gsi! Mis Glück het wieder mol zuegschlage: Ich han es Weekend in München gwunne. Jetzt gang ich mit mim Schatz Ende August a eusem 2-jährige Jubiläum det hie. Mir freuet eus mega, will a München ha i sust nid die allerbeste Erinnerige!! Aber das kann mehr jo renoviere seg i mole. Das Weekend hend mer ke Kids und absolut nüt los. Ach isch das schön, mol eifach ke Verpflichtige! Mir gönd immer fliessig is Fitness was i au mega gern mache. Denn han ich jetzt e Suppekur agfange und nimm so recht ab. Han en rechte stolz druf muess i sege. Mol luege wies usekunnt!

12.Juli 05: So jetzt han ich de Sunnestich au überstande und es isch mir e Lehr gsi! Am Sunntig simmer gsi go Dampfschiff fahre uf em Vierwaldstättersee mit de Franziska, de Cornelia und em Roland. Mir hends u glatt gha und hoffet mer machet gli wieder mol was zäme! Ime guete Monet hend mer Ferie! Juhheee......

3.Juli05: Mir sind gester gsi go wandere Es het mega Spass gmacht muess i würkli sege. Au wenn i mir en Sunnebrand und denn en Sunnestich gholt han. Na ja mehr cha nid immer gwinne!

2.Juli05: Wieder isch d Ziit vergange. Es isch e hufe passiert. De Simon het e Probemorge gha im Kindergarte mit voller Begeisterung. Ich denke er wird freud ha ab em August zum jede Tag gah. Denn hend mer letscht Wuche sehr strub gha will es git tatsächlich Lüüt wo de Andreas und mich wend usenander bringe. Doch dejenig Mensch het numme erreicht das es de Andreass und mich no mehr zämegschweisst het! Eigentlich müesst ich dem Mensch no danke sege.

Morn gömmer wieder mole an Murgsee go wandere mit eme Kollegepäärli. I freue mi mega druf und es tuet au u guet. I gange jetzt au sehr egelmässig is Fitness, am liebste 2x i de Wuche. De Steffi gfallts im Hort wos det het so kann ijetzt amigs am Fritigmorge gah wenn de simon i de Spielgruppe isch. Isch würkli mega.

16.Juni05: So, die Kindergeburtstage hend mer jetzt hinter eus. Euses Auto sets die Wuche au wieder zu eus schaffe, das en neue Motor bechunnt. Tja so sei es he!! Sust gahts eus guet bis uf mich, ich ha e Summergrippe. Aber au die gaht wieder verbii, da simmer sehr zuversichtlich.

6.Juni05: So, Ferien hend mir jo überstande ( das chönd er lese unterm Reisebericht). De alltag het eus sowiet au scho wieder wie sells au anderst sie. Die Wuche hend d Steffi und de Simon Geburi. Sie freuet sich u und am Samstig machet mer dennn es Geburifestli.

8.Mai 05: Sit ere knappe Wuche hend mir 2 neui Familienmitglider: De Brandy und de Knut, das sind 2 Meersäuli. Sind mega herzigi und die ganz Familie het freud dra. Fürd Katze isch das wie Kino. Jetzt müend/dörfet mer no 2 Wuche schaffe und de gahts ab id Ferie. Nach de Ferie hend de scho gli d Kiddis Geburtstag. Jetzt werdet die doch scho 3 & 5-i. So schnell rennt d Ziit. Nach de Ferie hend mer de no de Wechsel vo de Tagsmuetter und mir freuet eus all druf und sind sehr gespannt.

23.April 05: Lueget mole wer mir da troffe hend!! Und für alli wonen nid kennet, es isch de Forian Ast. S Konzert isch mega gsi! Au de Mensch Forian Ast isch sehr idrücklich gsi. Mir hend dörfe mit ihm hinter d Bühne, er het eus alles erklärt und de hend mer no guet 1/2 Stund dörfe mit ihm pläuderle, Bilder mache und er het no Autogramm gäh.........Es isch en unvergessliche Abig gsi!!

22.April 05: Ich han gester 2 Tickets gunne fürs Florian Ast Konzert inklusive Backstagebereichbesichtigung. Ich freue mich mega druf. Vor allem will ich jo was gwunne han. Das Wuchenende werdet mer wieder mol gnüsse mit usschlafe. D Kids dörfet wieder zum Papi. De Simon het e Lymphdrüsenentzündig gha gaht ihm aber wieder besser und d Schwellig gaht au zrugg.

15.April 05: So es ganzes Wili isch verstriche! De HC Davos isch Schweizermeister worde im Eishockey was mich natürli bsunders freut. Sust han ich im Moment sehr e sinnlichi und verletzlichi Phase wo i uf vieles sehr stark reagiere. I nimm aber a und hoffe au das das sehr schnell wieder vergaht. Ende Mai gömmer 1 Wuche id Ferie und freuet eus mega druf. Es gaht ab nach Kroatien as Meer. Mol luege wie die 2 Mönsterli d Ferie am Meer findet, das jo no nie am Meer gsi sind...

29.März 05: So, d' Oster isch dure! Mir hends sehr gnosse, au wenns zum Skifahre nümm ganz e so hitig gsi isch! Aber doch de Plausch. Mir hend au wieder sehr intensivi Gspröch gha wo hoffentli beidne was bracht hend! Jetzt hend mer e kurzi Wuche vor eus und am Samstig gaht ab an Hockeymatch uf Davos. Hopp HCD hopp HCD!!!!

22.März 05: So mini Hompepage wird eröffnet. Ich bin sowiet recht stolz druf. Eus gahts sehr guet und mir gnüsset s Lebe i eusere Patchworkfamilie au wenns eus die einte nid so möget gunne. Egal, mir sind happy, mehr bruchts gar nid!!!