Min Knuddel!!!

Ich wett Dir die Site widme und schriebe was mi bewegt.

Du hesch mir zeigt, das es doch no Liebi git und zwar grenzenlosi ohni Kompromiss und wenn und aber.  Ich chan mir es Lebe ohni Dich gar nümm vorstelle. Wenn i trennt bin vo Dir ha i s Gfühl i gspühr Di bi mir zue und doch vermisse i Di mega denn.

Ich chan mit Dir Nächtelang eifach numme rede, über ALLES!!! Und i weiss Du nimmsch mi ernst und lachsch mi ned us so nach em Motto: Was hesch de Du wieder für en Furz.Das isch mer sehr wichtig muess i sege...

I schätze Di als Mensch mega und als Maa no viel mehr :-))

Danke das i mis Lebe darf mit Dir teile......................

Mer hend all die Offnere Gspröch zäme und das tuet u guet. Au wenns halt mol weh tuet, i denke das ghört dezue und tuet e Liebi au mol festige i mine Auge. Danke dass Du so offe und ehrlich zu mir bisch und au was machsch mit mir gege das was eus beidi stört. Mer schaffet das da bin i felsenfest devo überzoge!!!

Mit de Chind gasch Du super um muess i sege.....Das find i u toll. Will i denke das isch ned selbstverständlich i mine Auge.

Du bruchsch im Moment sehr viel Nerve um mich umme. Das tuet mer u leid und isch mer au ned recht. I weiss aber das es besseret. Und zwar öppe per 1. Dezember 2003. Und i freue mi mega uf de Tag! Danke das Du da bisch für mi jetzt i dere schwere Ziit.

I liebe Di mit jedem Tag e chli meh, au denn das scho fast nümm möglich isch.

Mer hend wieder e Wuche hinter eus bracht denk i wo eus wieder recht meh zämegschweisst het vor allem durch die offene Gspröch wo mer gha hend mitenander. I ha no nie mit öpperem so offe chönne rede und denke mer verstönd eus sehr guet. I bin u froh.

Wenn ich Dich aluege und Dir id Auge luege chönnt ich i Dine Auge versufe, versufe vor Glück will Du so viel Wärmi und Liebi usstrahlsch.

I werd mir Mühe gäh Dini Ziit Dir zloh wo Du bruchsch für Dich. Denn i wett der weder uf e Keks gah no Di nerve geschweige denn Di verlüüre.

Ich denke mer hend jetzt letscht Fritig und Samstig sehr sehr entscheidendi Gspröch gha und gmerkt was mer wend und was ned. I denke au das mer das chönd id Tat umsetze. I freue mi druf. Denn au i cha Positivs druszieh, das weiss i jetzt

Mer hend über d Festtäg sehr intensivi Gspröch gha. Sit do isch es viel intensiver. I gnüsse aumol mini Ruhe und findes guet das mer jetzt e chli e "greglete" Ablauf hend. Was aber ned heisst das es langwilig wird. I bin mega froh, dass mer sooo offe chönd rede und somit all Missverständnis chönd zum Weg us rume.

Ich freue mich mega uf eusi Ferie. Mol eifach abschalte und gnüsse. Im Moment stecket mer beidi ime "Kampf" doch zäme schaffet mer das und wenn das dure isch chömmer ufschnufe und denn gnüsse.

Min KNUDDEL i liebe Di jede Tag e chli mehr

Danke dass Du mich immer wieder ufbausch. Du weisch welles Datum das ich astrebe!! Und i weiss das ich no Kraft bruche. Aber mit Dir zäme schaff ich au das und cha denn mini Tablette hoffentli gli wieder mol absetze.

D Ferie mit Dir sind en Traum gsi. Mer hends sehr abentüürlich gha aber es het u guet tah und i ha gmerkt mit Dir chan mer eifach ALLES mache. Au das Gspröch wo no stattgfunde het mer wüsset was mer drus ziehnd. Und da mer am gliche Strick züchet gaht das super. I freue mi mega uf die neu Wohnig. De darf i jedi Nacht nebet Dir ischlofe, das git mer sehr viel Geborgenheit!!!

Mir hend immer wieder mega gueti und vor allem sehr offeni Gspröch. Mir lernet ufenand igah und de ander verstah. Das tuet unheimlich guet und mit jedem Gspröch chömmed mir eus wieder es rechts Stuck nöcher muess ich sege.

So, au uf die Site wett i wieder mole was schriebe. Mir wohnet jetzt denn es halbs Johr zäme. Am Afang het das vor allem vo Dinere Site her recht Kraft brucht und au Gspröch. Doch mit jedem Gspröch wo mir hend merk i mehr wie mir harmonieret will mir eifach offe chönd rede. Jetzt chunnt die ersti Wiehnachte als Patchworkfamilie uf eus zue und da freue i mi sehr druf, vor allem will mir mit Dine Eltere und mit mim Papi fiiret, denn das isch mini Familie wo mir sehr sehr viel bedütet.

I freue mi au das mir jetzt immer gönd go Badmington spiele und au sust Sport machet wo eus sehr gue tuet seg i mole, vor allem mir und mini Figur besseret sich au, dass au da mol de Tag chunnt wo Du chasch stolz sie uf mich. Konkurrenz mach der keini da muesch kei Angst ha.

März 05: Mir hend wieder es ischniedens Erlebnis gha wo mer beid gmerkt hend was mer anenander hend! Ich denke mir sind ufe eme guet weg und ZÄME schaffet mer alles!!!

Januar 07: Mir wohnet jetzt sit guet eme halbe Jahr im Huus und es isch mega schön. Mir sind zunere super Patchworkfamilie zämegwachse und Du redsch au vo de 2 Monster vo Dine Kids, das tuet u guet..............I weiss mir sind uf emrechte Weg und i bin froh bin i Dir begegnet.